የልደታ ክፍለ ከተማ ወረዳ 6 ብልፅግና ፓርቲ ቅ/ጽ/ቤት "የአሰራር ልዕልና፤ የተደመረ አቅም፣ ለኢትዮጵያ ማንሰራራት!" በሚል ቃል የ2018 ዓ.ም 2ኛ ሩብ ዓመት ኮንፈረንስ አካሄዷል። የልደታ ክፍለ ከተማ ብልፅግና ፓርቲ ቅ/ጽ/ቤት ኃላፊ ወ/ሮ ዮዲት ሰለሞን የወረዳውን ነዋሪ ጥያቄዎች ለመፍታት እና አፋጣኝ ምላሽ በመስጠት አስተዳደሩ ችግር ፈቺ ተግባራትን ሲሰራ መቆየቱን የገለፁ ሲሆን የአባላት ግንኙነቶችን በማጠናከር ተግባራትን አጠናክሮ ማስቀጠል እንደሚገባ ገልፀዋል። የልደታ ክፍለ ከተማ ወረዳ 6 ብልፅግና ፓርቲ ፅ/ቤት ም/ኃላፊና ፖለቲካ ዘርፍ አቶ ዳምጠው ወንታሞ በወረዳው ብልፅግና ፓርቲ ፅ/ቤት አስተባባሪነት በ6 ወር ውስጥ በርካታ ተግባራት መሠራታቸውን የገለፁ ሲሆን ተሳታፊነትን በማጠናከር ቀጣይ ተግባራትን በጋራ መስራት እንደሚገባ አስተላልፈዋል። የልደታ ክፍለ ከተማ ወረዳ 6 ዋና ስራ አስፈጻሚ አቶ ሙሉጌታ ቸኮል በበኩላቸው የነዋሪዎችን እንዲሁም የአባላትን ተሳታፊነት በማጠናከር እንደ ወረዳ 6 አስተዳደር የነዋሪውን ተጠቃሚነት የሚያጎሉ ስራዎች መሰራታቸውን ገልፀው ተጠናክሮ እንዲቀጥል የጋራ ኃላፊነትን መወጣት ይገባል ብለዋል። በወረዳው ብልፅግና ፓርቲ በተዘጋጀው የማጠቃለያ ኮንፈረንስ የወረዳው ኢንስፔክሽንና ስነ-ምግባር ኮሚሽን ኃላፊ ወ/ሮ አይቼሽ አዲስ በ2ኛ ሩብ አመት እንዲሁም በመጀመሪያ 6 ወር ውስጥ የተሰሩ ስራዎች ሪፓርት በዝርዝር ያቀረቡ ሲሆን የአባላቱን ተሳታፊነት በመጨመርና ተግባራትን አስተሳስሮ በመስራት ውጤታማ ስራዎች መሠራታቸው ተገልጿል። በመጨረሻም ከተሳታፊ አባላት በተነሱ ሀሳቦች ውይይት በማካሄድ እና ምላሽ በመስጠት መድረኩ ተጠናቋል።